Д.Трамп энэ долоо хоногт БНХАУ-д айлчилна

АНУ-ын Ерөнхийлөгч Дональд Трамп энэ долоо хоногт БНХАУ-д төрийн айлчлал хийнэ гэж тус улсын Гадаад хэргийн яам мэдээллээ.

“БНХАУ-ын удирдагч Ши Жиньпиний урилгаар АНУ-ын Ерөнхийлөгч Дональд Трамп тавдугаар сарын 13-15-ны өдрүүдэд Хятад улсад төрийн айлчлал хийнэ” гэж тус яамны мэдэгдэлд дурдсан байна.

Хятадад хийх Д.Трампын айлчлал тавдугаар сарын 14-15-ны өдрүүдэд товлогдсон гэж Америкийн тал өмнө нь мэдээлж байв. АНУ-ын одоогийн Ерөнхийлөгч 2017 оноос хойш Хятадад хийж буй анхны айлчлал энэ болно.

Эх сурвалж: Montsame.mn