“Жаст”-ын Ш.Батхүүгийн бие муудаж, хамгаалалт дор эмнэлэгт эмчлүүлж байна

Төрийн өмчийн хорооны дарга Д.Сугар, “Эрдэнэт” үйлдвэрийн захирал асан Ч.Ганзориг нарын гарын үсгийг хуурамчаар үйлдэж, баталгаа гарган, Өмнөд Африкийн “Стандарт” банкнаас 109 сая ам.долларын зээл аваад эргүүлэн төлөөгүй гэх Ш.Батхүүгийн биеийн байдал муудсан байна.

Тэрээр дээрхи хэрэгтэй холбоотойгоор дөрвөн сарын турш цагдан хорих 461-р ангид хоригдож байсан бөгөөд биеийн байдал нь гэнэт муудсан тул хорих ангийн эмнэлгээс I эмнэлэг рүү шилжүүлсэн гэнэ. Түүнийг батлан даалтад гаргасан гэх мэдээлэл ор үндэсгүй худлаа бөгөөд Ш.Батхүүг хамгаалалт гаргаж, эмчлэгч эмч, сувилагчаас өөр хүнтэй уулзуулахгүй эмнэлэгт эмчилж байгаа гэнэ.