Хятадын засгийн газар “Вitcoin”-ыг гүйлгээнээс хасжээ

2008 оны сүүл 2009 оноос эхлэн интернэт худалдаа эрхлэгчдийн дунд ашиглагдаж ирсэн виртуал зоос болох “Вitcoin”-ыг гүйлгээнд хэрэглэхгүй байх шийдвэрийг БНХАУ-ын засгийн газраас гаргажээ.

Тэд евро болон доллар зэрэг бусад вальютын ханш өсөж, буурч байсан ч тогтмол байдаг “Вitcoin”-ыг валюттай адил хууль ёсны төлбөрийн хэрэг­­­сэл биш гэж үзэн тус шийдвэрийг гаргажээ. Тиймээс одоо Хятадын банк санхүү, тооцооны байгууллагууд ба­раа бүтээгдэхүүн, үйлчил­гээндээ “Bitcoin”-ыг ашиг­лах боломжгүй болсон бөгөөд зоосыг наймаалахгүй, шууд ба шууд бусаар “Bitcoin”-той холбоотой үйлчилгээ үзүүлж болохгүй болсон байна.

“Вitcoin”-ыг гүйлгээнээс хасах болсон Хятадын эл шийдвэрийг уг виртуал зоосыг АНУ-ын Тагнуулын байгууллагын бүтээл хэмээн сэрддэгтэй нь холбоотой гэх таамаг ч байгаа аж.