“Монголын сайхан бичигтэн-2013” улсын уралдаан амжилттай зохиогдлоо

Мэдээллийн МОНЦАМЭ агентлагийн “Хүмүүн бичиг” сонины газраас жил бүр уламжлал болгон зохион явуулдаг “Монголын сайхан бичигтэн-2013” улсын уралдаан амжилттай зохиогдлоо. Тус уралдаан нь 17 дахь жилдээ зохиогдож байгаа юм.  Энэ жилийн уралдаанд Баян-Өлгий, Сүхбаатар аймгаас бусад бүх аймаг, нийслэлийн 9 дүүргээс нийт 1000 шахам хүн оролцжээ.

Тэргүүн байранд:

• 4-10-р ангийн сурагчдын ангилалд Нийслэлийн 51-р сургуулийн 9-ийн “б” ангийн сурагч С.Билэгсайхан
• 11-р ангийн сурагчдын ангилалд  Нийслэлийн “Монген” цогцолбор сургуулийн 11-р ангийн сурагч Ц.Анударь
• Оюутан сурагчид болон насанд хүрэгчдийн ангилалд МУИС-ийн МХСС-ийн эх бичиг судлалын 4-р ангийн оюутан Т.Түмэндэмбэрэл
• Мэргэжлийн багш нарын ангилалд Дархан-Уул аймгийн “Одон” цогцолбор сургуулийн монгол хэл, уран зохиолын багш Б.Бүжинлхам
• Уран бичлэгийн ангилалд Нийслэлийн Сүхбаатар дүүргийн 13-р хорооны иргэн, зураач- уран бичээч Ц.Бямбажав
• Уралдааны бичвэрийн бус ангилалд Дундговь аймгийн Сайнцагаан сумын ЕБ-ын гуравдугаар сургуулийн багш монгол хэл, уран зохиолын багш Д.Отгонсүрэн нар тус тус тэргүүн байр эзэллээ.

2000 оноос эхлэн Монгол Улсын Ерөнхий сайд нар шагналыг нь гардуулдаг уламжлал тогтсон байна.

Б.Хайдав