Хамгийн хүсэмжит гишүүн

Өчигдөр УИХ-ын Төс­­вийн байнгын хороо  ху­рал­даж Гаалийн албан тат­вараас чөлөөлөх тухай, Нэ­мэгдсэн өртгийн албан тат­вараас чөлөөлөх тухай хуу­лийн төслүүдийн  анх­ны хэлэлцүүлгийг хийв. Эдгээр хуулийн төслийн товч танилцуулгыг Х.Бат­тулга сайд хийсэн нь УИХ-ын гишүүд бай­тугай, сэтгүүлчдэд ч ихээхэн сонир­холтой бай­сан юм. Учир нь Үйлдвэр, хөдөө аж ахуйн сайд Х.Баттулгыг Засгийн газ­рын  хуралдаанаас бу­сад үед олж харна гэдэг одоохондоо “Өдрийн од” олж харахтай адилхан ша­хуу ховор, чухал зүйл бол­чихоод байгаа.

Тэгэхээр сэтгүүлчид байтугай УИХ дахь МАН-ын бүлгийн гишүүдээс эхлээд, нэг на­мын С.Баярцогт гишүүн хүртэл багагүй гайхаж, баярлаж байгаа нь андаш­гүй харагдсан. УИХ-ын гишүүн Засгийн газрын сайдын албыг давхар хашна гэдэг барагдахгүй их ажилтайгаас гадна байн­гын хорооны хуралд хааяа нэг морилж ирвэл тун ч хүсэмжит хүнээр тодорд­гийн бодит жишээг Үйлдвэр, хөдөө аж ахуйн сайд Х.Баттулга ийнхүү яруу тодоор харуулаад авав.