Өглөө.мн Шинэ өглөө, Шинэ мэдээлэл
Сэлбэ голын Арслантай гүүрний урд байрлах шинэ гүүрэн дээрээс өчигдөр 12.00 цагийн үед хүн унаж нас барсан хэрэг гарсан. Тодруулбал хохирогч 30 орчим настай, эрэгтэй хүн байсан бөгөөд түүний амиа алдсан шалтгааныг тодруулахаар Сүхбаатар дүүргийн цагдаагийн алба хаагчид ажиллаж байгаа. Тэгвэл урьдчилсан байдлаар түүнийг амиа хорлосон эсвэл хальтирч унасан хэмээн таамаглаж байсан бол гадны нөлөөтэй нас барсан хэмээн эх сурвалж мэдээллээ.
Учир нь тэрээр амиа алдахын өмнө гүүрэн дээр нэгэн хүнтэй хамт явж байсан гэнэ. Тэднийг харсан гэрчүүд дүүргийн цагдаагийн хэлтэст мэдээллээд байгаа аж. Мөн тус гүүрэн дээрээс, мөн буудаг шатнаас хүн унах боломжгүй юм байна. Тиймээс дүүргийн цагдаагийн хэлтсээс амиа алдсан залуутай хамт явсан иргэнийг эрэн сурвалжилж эхэллээ.
