С.Одонтуяа гишүүний онигоо дуусахгүй нь

УИХ-ын цөөхөн эмэгтэй гишүүний нэг С.Одонтуяа сүүлийн үед жинхэнэ онигооны баатар болж байна гэнэ. Ихэмсэг хийгээд донж­лог гишүүн энэ хэвээрээ гүйгээд бай­вал онигооны баатар бо­лоод л байх янзтай. Учир нь жиргээч ги­шүүнийг өчигдөр твит­терийн нэгэн “анд” нь ёстой нүүр хийх газаргүй болгож орхив.

Саваагүй жиргээч С.Одонтуяа гишүүн рүү “Эрээн цавын” гэх то­дот­­голтой Д.Нямсүрэн най­рагчийн зургийг ил­гээж, “Энэ хүнийг таних уу, таны сонгуулийн штабт ажил­лаж байсан гэсэн. Уулзах хэрэг байгаа юм аа” хэмээсэн байв.

Гэнэхэн гишүүн маань туслахаараа дамжуулан бүртгүүлэхийг санал бол­гож, өөрийгөө урхинд оруулж орхидог юм байна.

Түүний энэхүү үйлд­лийг нэгэн жиргээч өлгөж аваад бурхны оронд заларсан их найрагчийг таниагүйд нь багагүй “баалаад” авна лээ.

Түүгээр ч зогсохгүй С.Одонтуяа гишүүн сая­хан байнгын хорооны ху­ралдааны үеэр ямар асуудлыг дэмжих эсэхээ ч анзаарах сөхөөгүй гараа өргөж суугаа харагдсан.

Үнэн хэрэгтээ бол “Ашигт малтмалын ту­хай хуульд нэмэлт өөрч­лөлт оруулах тухай” хуу­лийн төслийн анхны хэлэл­цүүлгийн үеэр эрх баригчдад намын нөхдийнх нь “гар” маш хэрэгтэй байснаас С.Одонтуяа ги­шүүн бараг л “хүчээр” сууж, хий дэмий л гараа өргөсөн болж, тун ч хайхрамжгүй байгаа нь ажиглагдсан юм.

Энэ бүхнээс эргэцүүлбэл эрхэм гишүүн С.Одонтуяа жаахан анхаарал, бол­гоомжтой байхгүй бол шооч хүмүүсийн амны зугаа болоод байх шинжтэй.