Сайн эр нөхрийн 9 шинж

Эр хүн өөртөө итгэлтэй байснаараа гутрах, өөрийгөө голох, хулчгар дорой байдлаас татгалзах чадвартай байдаг

Эр хүн аливаа зүйлд сэтгэл зүйн бэлтгэлтэй, өөрийгөө удирдах, хянах чадвар сайтай байснаараа өөрийгөө дөвийлгөх зэрэг гэнэтийн зүйлтэй хутгалддаггүй. Согтууруулах ундаа, тамхи гэх зэрэг зүйлсийн донтолтоос өөрийгөө хамгаалж чаддаг ажээ.

Эр хүн гэр бүлийнхээ хэрэгцээг ямар нэгэн байдлаар хангаж, түүндээ бахархалтай байж чаддаг. Түүнд хүсэл эрмэлзэл, тодорхой түвшний хүсэл зорилготой байх бөгөөд гэр бүлээ хэрхэн авч явах талаар өөрийн гэсэн бодолтой байдаг.

Бүсгүйчүүдийн хувьд итгэлийг нь бүрэн олоогүй залуустай гэрлэнэ гэдэг элсэн дээр байшин барихтай ижил юм. Итгэж, итгэл даана гэдэг нь хайр сэтгэлдээ үнэнч байж, түүнийгээ хайрлан хамгаалж, тордох, өгсөн амлалтандаа хүрнэ гэдгийг хэн хэн нь мэдэж байна гэсэн үг юм.

Сайн эр нөхөр үргэлж эхнэрээ хардаад байдаггүй. Өөрт болон хайртдаа итгэдэг төдийгүй гэр бүлдээ хүсэл тэмүүллийг бий болгох эерэг арга замуудыг нээдэг. Хардалтаас үүдэлтэй сөрөг байдлууд аяандаа бий болдог учраас түүний аюул заналыг мэддэг.

Бусдыг уучилж чаддаг байх нь эр хүний эрхэм чанаруудын нэг билээ. Энэ чанар нь тухайн хүнээс энэрэнгүй агаад уужим сэтгэлийг шаарддаг. Уурласан болон гомдсон байдлаас түргэн салж, гэр бүлийн дулаан уур амьсгалыг бүрдүүлэхийн тулд уужуу сэтгэл гарган уучилж чаддаг байх хэрэгтэй.

Эрчүүд ихэнхидээ хайраар дүүрэн халуун дулаан гэр бүлийг цогцлоон бий болгохын туйлын хүсэлтэй байдаг.

Айл гэрийн эр нөхөр тулга тойрсон өнөө маргаашийн зүйлд анхаарах бус алс хэтээ зөв төлөвлөж аливаа зүйлсийн холыг харж, зорилгоо зөв тодорхойлох хараатай, ирээдүйдээ итгэлтэй байдаг.

Ханиа хайрлаж, хүндэлж, тусалж гэр бүлийн ачааг хамтдаа үүрдэг. Хайртыгаа сонсож сайхан байлгахыг хичээдэг,хэрэгтэй үед нь түүнийгээ хамгаалж, түшиг тулгуур хэрэгтэй болсон үед хайр халамжаа мэдрүүлж, амар тайван, сэтгэл түвшин байлгадаг.

“Амжилтын Хөтөч” ном 2014

Зохиогч: М.Ичинноров