Шивээ-Овоод шинэ технологи нэвтрүүлэхээр боллоо

Шивээ-Овоогийн уурхайд нүүрс ангилан олборлох комбайныг туршилтаар ажиллуулахаар болсон байна. Тодруулбал, Шивээ-Овоод шинэ технологи нэвтрүүлэх боломжийг судлах гурван талт гэрээний хүрээнд Витрген группийн “SM-2200” маркийн нүүрс ангилан олборлох комбайныг тус уурхайн ашиглалтын зардал хамгийн өндөртэй хэсэгт ажиллуулахаар болжээ.

Шивээ-Овоо компанийн захирлын зөвлөлийн зүгээс ч энэхүү нүүрс хөрсийг ангилан олборлох технологи нь Шивээ-Овоогийн уурхайд хамгийн тохиромжтой гэж үзээд байгаа аж. Шивээ-Овоогийн нүүрсний тухайд үнэ хэт доогуур байдгаас тус компани өнгөрсөн онд 3.2 тэрбум төгрөгийн алдагдал хүлээгээд байгаа бөгөөд цаашид ч уурхайн олборлолтын гүний хэмжээ нэмэгдэх учраас олборлолтын зардал улам өсөх төлөвтэй байгаа юм. 

Д.Үүлэн