УИХ дахь МАН-ын бүлгээс эдийн засгийн байдлыг сайжруулах, хүндрэлийг даван туулах асуудлаар иргэд, олон нийт, эдийн засагчдын саналыг сонсох уриалга гаргасан байна. Энэ хүрээнд “Монгол Улсыг эдийн засгийн хүндрэлээс богино хугацаанд, бага зардлаар гаргах арга зам”, “Гадаад валютын ханшийн өсөлтийг зогсоон, төгрөгийн худалдан авах чадварыг сайжруулах арга зам”, “Өргөн хэрэглээний барааны үнийн өсөлтийг хязгаарлан тогтоох арга зам” гэсэн гурван чиглэлээр эдийн засагчид, бизнес эрхлэгчдийн саналыг сонсохоор болжээ. Дээрх гурван чиглэлийн хүрээнд иргэд, олон нийт МАН-ын бүлгийн и-мэйл хаяг болон фэйсбүүк хуудсаар дамжуулан саналаа илэрхийлэх боломжтой аж.
О.Амар