“Herbalife” ком­панийг шалгаж эхэлжээ

 АНУ-ын Холбооны ху­далдааны комисс  хүнсний нэ­мэлт  бүтээгдэхүүн үйлд­вэр­лэдэг “Herbalife” ком­панийг шалгаж эхэлжээ. Шалгалт эхэлсний дараа компанийн хувьцааны үнэ 12 хувиар буурчээ.

“Herbalife” компанийг шалгаж байгаа мэдээлэл 2013 оны хоёрдугаар сараас АНУ-ын хэвлэлээр гарсан. Холбооны худалдааны ко­мисст тухайн компанийн бизнес пирамид сүлжээг са­наг­дуулсан талаар олон хүн гомдол мэдүүлсэн аж.

Харин “Herbalife”-ийн удирдлагууд тэр үед “ал­бан ёсоор  шалгах хүсэлт ирээгүй” хэмээн мэдэгдэж байсан юм.

Гэвч Холбооны худал­дааны ко­мисс албан ёсны хүсэлтээ илгээсэн та­лаар уржигдар мэдэгдлээ.

Гэхдээ ямар үндэс­лэлээр компанийг шалгах болс­ноо хэлээгүй ч хууль бус худалдааны схем ашигласан гэж шалгаж байгаа тухай хэвлэлүүдэд мэдээлжээ.