Өглөө.мн Шинэ өглөө, Шинэ мэдээлэл
Өчигдөрхөн Францын Гадаад хэргийн сайд Лоран Фабиус “Europe 1” радиод ОХУ-ыг “Их-8”-аас хассан тухай мэдэгдсэн билээ.
Тэгвэл ОХУ-ын ерөнхийлөгч Владимир Путин болон Крымийн удирдлагууд тус хойгийг Орост нэгтгэх гэрээнд гарын үсэг зурсан тухай мэдээлэл өнөөдөр цацагдаж эхэллээ. Энэ тухай В.Путин думын ээлжит бус хамтарсан хуралдаан дээр “Крым үргэлж Оросын харьяанд байсаар ирсэн, энэ шийдвэр нь түүхэн шударга бус байдлыг залруулсан хэрэг боллоо” гэсэн байна.
Украйны Ерөнхийлөгч Виктор Януковичийг төрийн эрхнээс буулгасны дараа буюу хоёрдугаар сарын сүүлээр Оросыг дэмжигч хүчнийхэн Крымд хяналтаа тогтоосон бөгөөд өнгөрсөн даваа гарагт Украйнаас тусгаар тогтнож буйгаа зарласан юм. Украйны удирдлагууд үүнийг хүлээн зөвшөөрөхгүй байгаагаа мэдэгдсэн ч Крымчүүд өнгөрсөн ням гарагт “ОХУ-д нэгдэх” бүх нийтийн санал асуулга явуулж 97 хувиар нэгдэх саналыг дэмжсэн хариу гарсан билээ.
