Өглөө.мн Шинэ өглөө, Шинэ мэдээлэл
Өнөөгийн нийгэм дэх залуучуудын байгууллагуудаас хамгийн олон гишүүд, дэмжигчтэй мөн хамгийн хүчтэй нь НАМЗХ. Тэгвэл НАМЗХ-ны даргаар томилогдоод удаагүй байгаа УИХ-ын гишүүн Н.Номтойбаяр нэгэн хуулийн төсөл санаачлан, боловсруулж байгаа аж.
Тодруулбал эр цэргийн албыг 90 хоногт багтааж хаадаг болгох тухай гэнэ. Тэрбээр өөрийн твиттер хуудаснаа энэ тухайгаа бичсэн байна. Түүний энэ санаа жиргээчдэд таалагдсан бололтой чамгүй олон удаа дахин жиргэгдэж, “Сайхан санаа, дэмжиж байна. Хэн бүтэн жилээ алдахыг хүсэх вэ дээ” зэрэг урмын үгсээр тэтгэгдсэн байна лээ.
Түүний уг санаанд тусгаснаар цэргийн албыг академик боловсролтой хослуулан 18-27 насны иргэдийг хамруулах аж. Түүнчлэн одоо мөрдөгдөж буй хугацаат цэргийн албыг зөвхөн сайн дурын үндсэн дээр хаах болно. Гэхдээ мэдээж цалин, урамшуулалтай байх гэнэ. Ямартай ч НАМЗХ-ны шинэ удирдагч залуучуудад чиглэсэн нэгэн шинэ санаачилга гаргаж байгаа нь энэ юм байна.
