Өглөө.мн Шинэ өглөө, Шинэ мэдээлэл
Колумбийн иргэн, 28 настай Эдвард Эрнандес гэгч эр дэлхийн хамгийн намхан хүнээр шалгарч Гиннест шинээр бүртгэгджээ.
Учир нь дэлхийн хамгийн намхан хүний амжилтыг эзэмшиж байсан БНХАУ-ын иргэн 73 см өндөртэй Хэ Пингпин 2010 онд нас барсан байна. Үүнээс хойш түүний өндрөөс намхан хүн олдоогүй байтал Эдвард Эрнандес ердөө 70-хан см болох нь тогтоогдож, Гиннесийн амжилт бүртгэгчид Колумбад хүрэлцэн ирж түүнийг бүртгэсэн ажээ.
Эдвард өөрийн намхан биенээсээ ичдэг тул тэр бүр гэрээсээ гардаггүй агаад, бараг найз байдаггүй гэнэ. Учир нь хүмүүс түүнтэй яг л балчир хүүхэдтэй харьцаж байгаа мэт аашилдаг тул ийн гэртээ бүгдэг ажээ. Түүний мөрөөдөл нь найз бүсгүйтэй болж, өөрийн гэсэн фэрмерийн аж ахуй эрхлэх гэнэ.
