Өглөө.мн Шинэ өглөө, Шинэ мэдээлэл
Найдвартайд тооцогддог Швейцарийн хадгалалтын “Malca-Amit” компанид хадгалуулсан маш үнэтэй бриллиант үл ойлгогдох байдлаар алга болсон аж. Ягаан өнгөтэй, 50.66 каратын 50 сая ам.долларын үнэ бүхий бриллиант алга болжээ.
Үнэт чулууны эзэн Силла Мусса хадгалалтын компанийг буруутгаж, өөрийгөө луйврын золиос болсон хэмээн мэдэгдэж байгаа гэнэ. Тэрбээр өнгөрсөн оны наймдугаар сард хадгаламжаа шалгаж үзэхээр шийдэн компанид хандахад бриллиантыг нэгэн бизнесмен нэлээд эрт худалдан авсан гэсэн аж. Харин компанийн ажилтнууд Силла Муссаг 2008 онд бриллиантаа авсан гэж баталсан байна. Тэд эзэн нь үнэт чулуугаа буцаан авсан баримт бичгүүд байгааг ч хэлжээ.
Хоёр тал бие биеэ буруутгасан байдалтай маргаан үргэлжилж байгаа бөгөөд ховорхон ягаан бриллиант хэрхсэн нь тодорхойгүй байна.
