Б.Наранхүү гишүүн паркийн газар дээрээ 68 давхар цамхаг сүндэрлүүлэх нь

Монголын тэргүүн баячуудын нэг гэгдэх “Мон-Уран” компанийн захирал, УИХ-ын гишүүн Б.Наран­хүү­тэй холбоотой мэдээлэл infomongolia.com сайтад гарчээ. “Мон­голд хамгийн өндөр гэгдэх 68 давхар барилгыг Никкэн Сэк­кэй групп барихаар боллоо” гэсэн гарчигтай уг нийтлэлд дурьд­са­наар энэхүү барилгын захиалгыг “Мон-Уран” компани өгсөн аж.

Нэг компанийн хувьд барилгын за­хиалга өгөх нь энгийн асуудал мэт боловч энэхүү баригдах газрынх нь байршил олны анхаарлыг тат­сан, маргаантай асуудлыг нэг учраас энэ удаад онцоллоо. Ма­най сонин хүүхэд залуучуудын тодот­гол­той барилга обьект, цэцэрлэгт хү­рээлэн, кино театрын газар хэнд хэрхэн очсоныг цувралаар хүр­гэж байгаа энэ үед Хүүхдийн паркийн газарт энэхүү барилга ба­ригдах нь гэж яригдаж байгаа нь анхаарал татаж  байгаа юм. Тө­рийн гэх тодотголтой ч хувьч­лаг­даж, худалдагдаад дуусч бай­гаа газруудын нэг болсон Хүүх­дийн паркийн газрын хувь заяа ийнхүү шийдэгдэж байгаа бо­лол­той.

Залуус “Хүүхдийн пар­каа аваръя” гэх хөдөлгөөн өр­нүүлж, Б.На­ран­хүү гишүүнийг уриад ч ам­жилт олоогүй бөгөөд Б.На­ранхүү газ­­раа дэмий байлгах хэрэггүй гэж шийдсэн бололтой. Тус сай­тад дурьдсан мэдээлэлд “2014 оны гуравдугаар сарын 11-ний өдөр хоёр тал гэрээнд гарын үсэг зур­­лаа. Никкэн Сэккэй группийг тө­­лөөлөн Мицоу Накамура, “Мон-Уран” компанийг төлөөлөн Б.На­­ранхүү, Б.Оюунчимэг нар га­­­рын үсэг зурлаа. Энэ бол Улаан­баа­­тар хотод босч байгаа хам­гийн анхны 300 метр өндөр, 68 дав­хар цамхаг юм. Хүүхдийн пар­кийн 110 ам.метр тал­байг эзэл­сэн энэ цамхаг нь газар хөд­лөл­төд тэсвэртэй хамгийн сүү­лийн үеийн технологиор бариг­да­на. Энэ цамхаг дотор орон сууц, таван одтой зочид буудал, оф­фис, худалдааны төв зэргийг дэл­хийн стандартад нийцсэн байхаар шил­дэг менежменттэй багийнхан хийж гүйцэтгэнэ.  Барилгын ажил 2014 онд эхлэн 2018 оны  арван­хоёр­дугаар сард дуусна” хэмээн бич­жээ.

Эх сурвалж: www.mminfo.mn