Оюу болон ганц толгой

Шинэ засгийн газар ажилдаа шуурхайлан орж байна хэмээн унасан засгийн газартай “хамтран ажиллах гэрээ”-тэй байсан хэвлэл, мэдээллийн хэрэгслүүд дуу дуугаа авалцан мэдэгдэж байна. 

Шуурхай ажиллаж байгаа нь шинэ засаг уу, Рио тинто юу гэдэг нь маргаантай байж мэдэх асуудал. Ямарч байсан Оюу толгойн 66 хувийг эзэмшигч эздийн төлөөлөл

Энэ удаагийн засгийн газарт Оюу толгойн асуудлаар бие даан шийдвэр гаргах томоохон эрх мэдэл байгааг

Монголд ирчихээд гэрээ, хэлцлийн ард суухыг яаравчилж байгаа нь үнэн байна. энд онцлон тэмдэглэх хэрэгтэй. Нэг үгээр хэлвэл “ганц толгой”-гоороо хариуцна гэсэн үг юм.

УИХ-д суудалтай манай улс төрийн нам, эвслүүд зөвхөн ард түмэндээ ашигтай байхаар энэ асуудлыг шийдвэрлэх, эсрэг талаас тавиад буй санал, хүсэлтийг эв зүйгээр зохицуулж нэр хүндээ унагааж, хөрөнгө оруулагчдыг үргээчихэлгүй асуудлыг нааштай шийдвэрлэхийг тэдэнд даалгаад байгаа билээ.

Харин яг энэ үед нь өнөө эх орон, энэ тэр хэмээн цээжээ дэлдэж хөөс сахруулсан, шаардаад нэхээд буй зүйлийнхээ мөн чанар, агуулгыг гүйцэт ойлгоогүй нөхдүүд маань жоохон ч гэсэн тайвширч, энэ “ганц толгой”-доо сэтгэх, ухаан сийлэх боломж олговол ямар вэ.

Доктор Н.Хавх гуайн олон жилийн судалгаа, хөдөлмөр зүтгэлээр бий болсон өнөө цагийн Монгол хүний менталитет буюу унаган төрхийн тухай тодорхойлолтыг энд сануулах нь хэрэгтэй байх гэж бодож байна. Та бидний эерэг зан чанар, ааш араншингийн тухай энд дурдсангүй. Харин сөрөг буюу муу талуудын тухай юу гэж тодорхойлсныг үзье. Үүнд:
-“Өрх гэрийн хvрээнд ураг төрлийн хvмvvсийн харьцаагаар бий болсон хязгаарлагдмал vзэл бодол нь өөр хvрээлэлд таарч тохирохгvй болоод ирэхлээр хямардаг, тvvнээс гарахын тулд тэр vедээ тархи толгойгоо эрч далайцтай ажиллуулна, ухаан бодлоо сийлнэ, тэр хэрээр хурдан тvргэн хямралаас гарах арга замыг олно; харин энэ хооронд vе vе туйлширна, өрх гэрийн хvрээнд төлөвшин бий болсон vзэл бодол, шинж, унаган төрхөөсөө огцом эрс ухарч, бусдыг дуурайн, тэднийг аялдан дагаж хошуурна, эс дагагсдыгаа хавчиж шахна, овжин зальтай, хуурч мэхлэх, итгэл алдуулах, хувиа хичээх явдлыг чухалчлан сонирхоно, залуус нь эцэг эх, ахмад vетэйгээ, эхнэр нь эр нөхөртэйгөө эвдрэлцэж, тэд нь ч vр хvvхэд, залуу vе, эхнэртээ итгэх итгэлээр тааруу болно” хэмээн дvрсэлжээ.

Аливаа үндэстний энэ менталитет чанар нь нийгмийн хөгжлийн явцад хувьсан өөрчлөгдөхөөс гадна өнгөц шинж чанартай байдаг тухай доктор, судлаач Д.Ганхуяг цохон тэмдэглэсэн байдаг. Тиймээс Н.Хавх докторын энэ тодорхойлолт нь ертөнцийн аливаа үзэгдэл юмсыг танин мэдэх, ойлгох та бидний энэ цаг үеийн дүр төрхтэй төстэй мэт санагдана.

Г.Чугаа

Эх сурвалж: www.today.mn