Ихэр дүүгээ хүлээж буй ханхүү Жоржийн зургийг дэлгэлээ

Их Британийн хааны ордон ханхүү Жоржийн сүүлийн үеийн зурагнуудыг олон нийтэд дэлгэлээ. Ханхүү Уильям болон гүнж Кэйт Миддлтон нарын ууган хүү Жоржийн гурван зургийг Крисмасын баярыг тохиолдуулан тус улсын хааны ордон  олон нийтэд дэлгэжээ.

Эдгээр зургийг Уильямын гэр бүлийн амьдардаг Лондон хотын Кенсингтоны ордонд орших цэцэрлэгт хүрээлэнд өнгөрсөн сарын сүүлээр авчээ. Крисмасын өмнө нэг нас таван сар хүрч буй ханхүүгийн сүүлийн үеийн зураг олны анхаарлыг ихээхэн татаад байгаа юм байна.

Гүнж Кэйт Миддлтон жирэмсэн бөгөөд ирэх жилийн дөрөвдүгээр сард төрөх билээ. Албаны эх сурвалжуудын мэдээлж буйгаар гүнж ихэр охин тээж буй юм. Тиймээс удахгүй хоёр ихэр дүүтэй болох ханхүү Жорж өдөр ирэх бүр өхөөрдөм, том болсоор байна.

Эх сурвалж: www.mminfo.mn