Эболагаар 311 эмч, сувилагч амиа алджээ

Анх халдвар дэгдсэнээс хойш үүргээ гүйцэтгэж байсан 680 эмч, сувилагч эбола вирусын халдвар авчээ. Халдвар авсан эмч, сувилагчийн 311 нь амиа алдсан гэж ДЭМБ-аас мэдээлэв. Амиа алдсан эмч нарын дотор АНУ, Испанийн эмч байгаа юм. ДЭМБ-ын удирдлагууд үүргээ гүйцэтгэж байхдаа халдвар авч, улмаар амиа алдсан цагаан нөмрөгтнүүдийн гэр бүлд санхүүгийн тусламж үзүүлэхээ мэдэгдээд буй. Тус байгууллагын тэргүүн Маргерат Чан “Та бүхний гавьяаг хойч үе минь мартах учиргүй. Халдвартын голомтод ажиллаж буй эмч, сувилагчид жинхэнэ баатрууд юм” хэмээжээ.

Өнөөдрийн байдлаар халдварын голомтод 9800 эмч, сувилагч, 5200 сайн дурынхан ажиллаж буй. Эболагаар 6500 хүн амиа алдаж, 17890 хүн халдвар авчээ.

Америкийн “TIME”сэтгүүл энэ оны онцлох хүнээр эболаг зогсооход биечлэн оролцож буй эмч, сувилагчдыг нэрлэсэн юм.

Б.Дэлгэрцэцэг

Эх сурвалж: www.shuud.mn