Хоёр Солонгос дайтах уу

Шинэ он гарснаас хойш Зүүн Хойд Ази дахь нөхцөл байдал түгшүүртэй болж эхэллээ. АНУ Хойд Солонгосын эсрэг хориг арга хэмжээгээ чангатгаж байгаагаа зарласан.

Мөн БНАСАУ буюу Хойд Солонгосын эрх баригчид энэ 2015 оныг “эргэн нэгдэхийн төлөөх агуу дайны жил” гэж тунхаглаад байгаа.

Тэр ч бүү хэл Хойд Солонгосын тэргүүн Ким Чен Ун Өмнөдтэй хийх 7 өдрийн дайны төлөвлөгөөгөө баталсан гэдэг мэдээлэл түгээд байна. Энэ тухай “Чусон ильбо” сонин мэдээлсэн.

Дайн хийх уг төлөвлөгөөнд цөмийн зэвсэг ашиглахаар төлөвлөсөн тухай тус сонин бас мэдээлсэн ажээ. Ким Чен Ун армийнхаа дарга нарт үүрэг өгч, ерөнхий төслийн дагуу тус тусын үйл ажиллагааны төлөвлөгөөг зохиохыг даалгаад байгаа ажээ.

Тиймээс дайн болох уу гэдэг асуудал олон улсын анхаарлыг татаж эхлээд байна.

М.Баяр

gereg.mn