Амралтын зоог: Төмсний бөмбөлөгтэй шарсан хавирга

2015 оны 1 сар 9 / 19 цаг 29 минут Хоол хүнс

Орц:

Үрхийн хавирга – 3ш, олив тос-80 мл, давс-10 гр, хар перцний үр-10 ш, сармис-4 ш, зөгийн бал-4 х/х, сояа соус-60 гр, яншуй -1 багц, цагаан вино-3 х/х, ус-150 мл, тахианы шөлний булион-1 ш, төмс- 1 кг, масло-30 гр, ургамлын тос-300 мл, мах-150 гр, өндөг-2 ш, гурил-200 гр, хатаамал- 300гр.

Хийх арга:

Төмсөө арилгаад давстай усанд болтол нь чанана.

Чанаж болгосон төмсөн дээрээ 30гр масло+30гр оливын тос хийж төмсний нухаш болгоно. Дараах 3 аргаар хийж болно. /Одоо хийх хоолондоо 1дэх аргыг нь сонгов/ 1). 100-150 гр мах татаж хэрчээд амталж хуураад төмстэйгөө хольж төмсний бөмбөлөг хийх 2). Бууцай+яншуй хийгээд төмсний нухаш хэлбэрээр шууд хэрэглэх 3). Төмсийг шарж хэрэглэх

Сонгосон хавиргаа өөрийн хүссэнээр жижиглэнэ. /өөхгүй үхэр, гахайн хавирга тохиромжтой/

Листэн дээрээ оливын тосоо хийж сайтар халааж хавиргаа 1талаар нь шарна. /газан плетик эсвэл энгийн плетик ашиглаж болно/ Шарах шүүгээгээ 200С хэмд халаана.

Шарж байгаа махаа эргүүлээд амтлагчаа дараах дарааллын дагуу хийнэ. Давс-хар үрлэн перц-сармис-зөгийн бал-сояа соус-цагаан вино/хийхгүй байж болно/ хийж үргэлжлүүлэн шараад дээр нь яншуй цацна.

Халсан шарах шүүгээндээ нийт 25-30 минут шарна. 15минутын дараа шөл нэмж хийгээд дахин 15 минут шарна. /алхам 12-ыг харах/Махаа болж байх хооронд төмсний нухшин дээрээ 150 гр хуурсан мах холиод зурган дээрх шиг бөөрөнхийлнө.