Өглөө.мн Шинэ өглөө, Шинэ мэдээлэл
Засгийн газрын өчигдрийн хуралдаанаар Богдхан уулын дархан цаазат газрын ойр орчмын газрыг улсын тусгай хэрэгцээнд авах асуудлыг хэлэлцэж, ажлын хэсэг байгуулжээ. Учир нь “Шинэ Улаанбаатар” төслийн хүрээнд иж бүрэн 17 хорооллыг байгуулж, Улаанбаатар болон Төв аймгийн нутаг дэвсгэрт шинэ сууршьлын бүсүүдийг бий болгох хөтөлбөр бий. Тиймээс Богдхан уулын дархан цаазат газрын ойр орчимд байгаа иргэн, хуулийн этгээдийн эзэмшил газрыг солих, авах, эргүүлэн авах тохиолдолд нөхөн олговрыг тооцох, мөн суурьшлын бүсийн эдийн засгийн тооцоог хийх, хууль тогтоомжид өөрчлөлт оруулах зэрэг ажлыг хийх ажлын хэсгийг Монгол Улсын сайд, ЗГХЭГ-ын дарга С.Баярцогт ахлах бөгөөд санал, дүгнэлтээ 2015 оны 1 дүгээр сарын 30-ны дотор Засгийн газарт танилцуулах юм байна.
Б.ТӨГС /ЗУУНЫ МЭДЭЭ/
