Өглөө.мн Шинэ өглөө, Шинэ мэдээлэл
Индонезид Бразил болон Нидерландын зургаан иргэнийг мансууруулах бодисны хэргээс болж цаазаар авчээ. Тэдгээр хүмүүсийг өчигдөр Индонезийн “Төв Жава” хотот цаазалсан байна. Баттай эх сурвалжийн мэдэгдэж байгаагаар цаазлуулсан иргэд хар тамхи тээвэрлэх оролдлого хийсэн байжээ. Тэдэнд 2010 оноос эхлэн эрүү үүсгэн шалгасан бөгөөд ийнхүү цаазаар авах шийдвэрт хүрсэн аж.
Өнгөрсөн хугацаанд Бразил болон Нидерландын Засгийн газраас өөрийн улсын иргэдэд өршөөл үзүүлэхийг хэд хэдэн удаа хүссэн боловч чанга хатуу хуультай Индонезчууд авч хэлэлцээгүй бөгөөд мансууруулах бодистой холбоотой ямар ч хэрэгт хатуу чанга байхаа тус улсын шинээр сонгогдоод удаагүй байгаа ерөнхийлөгч Жоко Видодо хатуу анхааруулсаар байсан юм. Ямартай ч болсон явдалд ундууцан Бразил болон Нидерландын Засгийн газраас Индонези дэх элчин сайдын яамаа буцаан татсан байна.
