Тавантолгойн төсөл 94 тэрбум ам.долларын үр ашигтай байх тооцоо гарчээ

Тавантолгой стратегийн ордыг эдийн засгийн эргэлтэд оруулахаар хэлэлцээр хийж байгаа. Засгийн газраас гарсан Монгол Улсын сайд М.Энхсайханаар ахлуулсан ажлын хэсэг өнөөдөр хөрөнгө оруулагчидтай уулзалт хийлээ. Ажлын хэсгийнхний зүгээс харилцан ашигтай стратегийг хөрөнгө оруулагчидтай боловсруулна гэж байгаа. Энэ дагуу концессийн, хөрөнгө оруулалтын гэрээний асуудлыг ярьж байна. Нэг гэрээний хувьд гэхэд л 80 орчим асуудал ярьж байгаа. Иймд Тавантолгой гэрээ бол нухацтай хэлэлцэх шаардлагатай асуудал юм. Хөрөнгө оруулагчдын зүгээс тодорхой шаардлагуудыг тавьж байгаа. Хамгийн чухал нь гэрээ тогтвортой, амжилттай хэрэгжих ёстой гэдэг үүднээс ажлын хэсгийнхэн асуудалд хандаж буйгаа илэрхийллээ. МөнМонгол Улсын сайд М.Энхсайханы хэлж байгаагаар Тавантолгой бол том төсөл. Тиймээс төслийн санхүүжилт нь олон улсын банк санхүүгийн байгууллагуудаас санхүүжигдэх ёстой. Бид анхнаасаа харилцан ашигтай байх зарчим стратегийг тохиролцсон. Үүндэрх ашгийн тэнцвэрийг хангахаас гадна бие биедээ нээлттэй, мэдээлэлтэй, санаачилгатай байх хэрэгтэй гэдгийг онцолсон. Түүнчлэн уг төсөл хамгийн багадаа 94 тэрбум ам.долларын үр ашгийг Монгол Улсад авчирна гэсэн урьдчилсан тооцоог гаргажээ.

Хөрөнгөоруулагч компаниуд төслийн 30 хувийг өөрийн хөрөнгөөс 70 хувийг банк санхүүгийн байгууллагаас зээл босгож санхүүжүүлэх юм. Харин үйл ажиллагааны зардал дээр Японы “Сумитомо” компани гол борлуулалтаа хариуцаж байгаа учир их мөнгө босгож магадгүй гэж Монгол Улсын сайд М.Энхсайхан хэллээ. Ийнхүү энэ сарын 5-ны өдрөөс эхэлсэн Тавантолгойн гэрээний хэлэлцээр нэгдмэл ойлголтод хүрч чадсан гэдгийг ажлын хэсгийнхэн хэлж байна.

Ц.Нандин /Uls.mn/