Өглөө.мн Шинэ өглөө, Шинэ мэдээлэл
Сар шинийг угтан томоохон зах худалдааны төвүүдийг чиглэсэн иргэдийн хөдөлгөөн ихэсчээ. Үүнийг дагаад иргэд авч яваа ачаагаа алдах, халааснаасаа их хэмжээний мөнгөө алдах тохиолдлууд эрс ихэссэн байна.
Иргэд зах болон худалдааны төвүүдээр үйлчлүүлэхдээ сонор сэрэмжтэй байж эд зүйлээ хулгайд алдахгүй байхыг Нийслэлийн прокурорын газрын Гэмт хэргээс урьдчилан сэргийлэх, олон нийттэй харилцах албанаас сэрэмжүүлж байна.
Он гарсаар Нийслэлийн хэмжээнд иргэд болон аж ахуйн нэгж, байгууллагаас гаргасан гэмт хэргийн шинжтэй 3274 гомдол мэдээлэлд хяналт тавихад үүний 821 буюу 25 хувийг “Бусдын эд хөрөнгийг хулгайлах” гэмт хэргийн шинжтэй байсан аж.
