“IPhone”-ний шинэ загваруудын борлуулалт 18 тэрбум ам.долларт хүрчээ

Дэлхийн шилдэг ухаалаг утас  үйлдвэрлэгч Apple корпораци 2012 онд “IPhone 4S”-ийг худалдаанд гаргаж байх үед гурван сарын дотор 15.3 тэрбум ам.долларын борлуулалт хийж байсан гэдэг.  Тэгвэл тус корпорацийн хамгийн сүүлийн үеийн шинэ бүтээгдхүүн болох “IPhone 6” болон “IPhone6 Plus” загварууд борлуулатаараа 4S-ийн амжилтыг эвдэж, эхний гурван сарын байдлаар дэлхий даяар 18 тэрбум ам.долларт хүрчээ.

2014 оны арванхоёрдугаар сарын 27 гэхэд тус корпораци дэлхий даяар 74.5 сая ширхэг “IPhone” гар утас худалдсан нь олонхи аналистуудын хүлээж байсан үр дүн юм байна. Гэсэн хэдий ч шинээр гарсан “IPad”-ын борлуулалт хангалтгүй хэвээр байгаа аж. Шинээр илүү том буюу 5.5 инч дэлгэц бүхий “IPhone 6 Plus” загварыг гаргасан нь ийнхүү борлуулалтын рекорд эвдлэхэд голлох нөлөөгөө үзүүлсэн байна.