Өглөө.мн Шинэ өглөө, Шинэ мэдээлэл
Хятадын Хенан мужийн Женжоу хотын Цили гол дээгүүр нэгэн өвөрмөц гүүр барьж, ашиглалтад оруулжээ. Гүүрний төмөр баганууд нь аварга тамхи шиг харагддаг байна. Хятадын Вейбо цахим хуудасны хэрэглэгчид энэхүү гүүрийг барьсан архитекторч нь архаг тамхичин байх хэмээн шогложээ. Тэгвэл гүүрийг барьсан уран бүтээлчид орон нутгийн үйлдвэрлэлийг дэмжих зорилгоор тамхин хэлбэрийг сонгосон хэмээн энгийнээр тайлбарлав. Учир нь, Хенан муж нь цемент, трактор, хөргөгч, шилэн материалаас гадна тамхины үйлдвэрлэлээрээ алдартай ажээ. 2005 онд энд нэг тэрбум гаруй тамхи үйлдвэрлэсэн байна.
