Атлантын далайд дэлбэрэлт болжээ

Атлантын далайд байрлах Бразил улсын газрын тосны хөвөгч цамхаг дээр дэлбэрэлт болжээ.

Өчигдөр болсон энэ дэлбэрэлтийн үеэр гурван хүн амь үрэгдэж, арваад хүн шархадсан байна.Бразилийн газрын тосны үндэсний агентлагийн мэдээлж байгаагаар өөр зургаан хүн ор сураггүй алга болоод байгаа аж.

Дэлбэрэлт цамхагийн шахуургын хэсэгт болсон бөгөөд энд мөн олборлосон газрын тос,байгалын хийг ачилтанд  хадгалдаг байсан гэнэ. Энэхүү хөвөгч цамхаг Бразилийн эргээс 120 км-т байрлаж байсан ба нийтдээ дэлбэрэлтийн үеэр 74 хүн ажиллаж байжээ.

эх сурвалж:Үндэстэн.мн