Өглөө.мн Шинэ өглөө, Шинэ мэдээлэл
Хятадын Хубэй тосгонд нэгэн эцэг эх 24 настай охиноо хайртай залуугаас нь салгахын тулд 6 жил хорьсон хэрэг гарчээ. Тэд тосгоныхоо хүмүүст охиноо сэтгэцийн өвчин туссан маш аюултай байдалд байгаа гэж хэлсэн байна. Тэдэнд охиных нь хайртай залуу таалагдаагүй мөн үүнээс болж охин нь дагаж зугтах гэж байсан нь хорих гол шалтгаан нь болжээ. Охиныг Жан Ци гэдэг бөгөөд тосгоны хүмүүс бүгд охиныг хоригдож байгааг мэдэж байсан хэн нь ч цагдаагийн байгууллагад мэдэгдээгүй байна. Учир нь түүний эцэг эх тосгоны нөлөө бүхий хүмүүс байжээ.
Харин тэр нутгийн оршин суугч Жен Чоу охины байрлах агуулахын эрүүл ахуйн шаардлага хангаагүй байдлыг харуулахын тулд зургыг авч интернетэд тавигдсанаар хэрэг илэрсэн байна. Жен Чоу “Би Жан Чиг анх харахад тэр дороо хоёр сүрлээр ор хийж хэвтсэн байсан. Мөн эргэн тойронд нь хоол хүнсний үлдэгдэл тархсан байсан” гэж хэлжээ.
Б.Нарангэрэл
