Өглөө.мн Шинэ өглөө, Шинэ мэдээлэл
11 настай Австрали хүү гэр бүлийнхэнтэйгээ хээрийн аялалаар явж байхдаа алга болж, тав хоногийн дараа эсэн мэнд олдсон байна. Аутизм өвчтэй Люк Шамбрук хүү Виктория дахь Эйлдон нуурын ойролцоо, гэр бүлийнхнийхээ буудалласан газраас гурван км-ийн зайд байхдаа олдсон аж. Түүний биеийн дулаан алдагдсанаас болж эмнэлэгт хүргэсэн ч, гэмтэж бэртээгүй байсан гэдгийг эх сурвалж мэдэгдлээ.
Өнгөрөгч амралтын өдрүүдэд тус хүрээлэнд амралтаа өнгөрүүлэхээр очсон олон арван иргэд хүүг эрэн хайх ажиллагаанд сайн дураараа оролцсон байна. Түүнчлэн олон нийтийн дэмжлэг туслалцаа маш сайн байсан гэдгийг мэдэгдээд, тэдэнд талархаж буйгаа Цагдаагийн газрын зүгээс илэрхийлжээ.
Б.Болормаа
эх сурвалж: undesten.mn
