Өглөө.мн Шинэ өглөө, Шинэ мэдээлэл
Ард иргэд Ноён уулыг ухаж төнхөхөд дургүй байгаагаа илэрхийлж Ч.Сайханбилэгт зориулж шүлэг тэрэлжээ.
Шүлгийг бүрэн эхээр нь хүргэвэл.,
Ч.САЙХАНБИЛЭГТ
/ Реквием/
“Ноён” уул чинь уул бишээ, миний дүү
Номон дээр үлдээсэн түүх юм
Нохойнд хэмлүүлсэн яс бишээ
Ноёдод үлдээсэн алт бишээ
Нууж үлдээсэн авшиг юм.
Нурааж ,харааж яах нь бэ түүгээр
Ухаж төнхөж болоогүй юмуу
Ууж идэж цадаагүй юмуу..?
Хаанахын хэний хараал ерөөлтэй
Хачин чиг зүүд гэгч энэ бэ…
Буруу харж хэлээ хазаж зөндөө л суулаа
Бурхадын бүтээл юмаа миний дүү битгий төнхө
Өвгөдийн сүнсийг өрвийлгөж
Өргөн мөрнийг сөрвийлгөж
Уул усыг уурлуулж,
Уушиг цээжийг нь сагсайлгаж
Уянга та хоёр хэрэлдэх өөр хэрэг ээ миний дүү
Наадахаа зүгээр орхичих…
Насанд чинь харин цөвтэй байж мэднэ…
Хаад эртний домгийн уншлагатай
Хатад эртний амны шүншлэгтэй
Буурал түүхийн зам мөртэй
Бурхан багшийн гарын авшигтай
Бузарыг эс үйлд хэмээсэн…
Тэнгэрийн тахилгатай юмаа.
Наадахаа зүгээр больчих…
Хөөрөг гаансаа дээдэс минь
Хөл доороо зүгээр хаяв гэж үү
Хөх тэнгэрээс зарлиг буулган
Хөлдүүс болгон хадгалсан юм шүү
Ухаант эрийн санаанд багтамгүй
Урагшгүй үйлээр чи яах гэсэн юм
Орой- цоройг нь цоолж
Онгичиж төнхчиж болоо биш үү
Одоо болоо миний дүү… наадахаа орхичих
Онгод нь чамайг гэсгээж
Орон улс минь уруудаж юу магад
Болохгүй бүтэхгүй юм нэг л гэмтэй
Бурхад хилэгнэж , савдаг догширох цаг айсуй
Чимэд гуайн хүү Сайханбилэг чамд
Чин зүрхнийхээ угаасаа хэлж байна
Чи зүгээр больчих…
2016-1-27 10.00 цаг иргэн Н.БАТСУУРЬ гэжээ.
Шүлгийг цахим ертөнцөөр нийтлэхэд 2 цагийн дотор 445 шейр хийж хуваалсан байна.
Иргэн таны бодол.
