Өглөө.мн Шинэ өглөө, Шинэ мэдээлэл
Сонгууль дөхөж орон нутгийн эрх баригчдын дунд гардан тулаан эхэлжээ. Завхан аймгийн Засаг дарга Ж.Жамьянтив Иргэдийн хурлын дарга Б.Отгонбаатарыг боож унаган болор солиулсан нүдийг сэт цохисон гэмт үйлдэл хийжээ. Боож унагадаг хообийтэй Засаг Даргын танхайрал Завхан аймаг төдийгүй энэ удаагийн сонгуулийн гол сенсаац болох төлөвтэй. Манай сурвалжлагч Засаг даргадаа жанжуулж эрүүл мэндээрээ эрэмдэг болж хохироод байгаа Завхан аймгийн ИТХ-ын дарга Б.Отгонбаатартай холбогдож, дараах тодруулгыг авав.
-Чухам юу болсон юм бэ
-Ийм явдал болсон нь үнэн. Би нүдэндээ нэг сарын өмнө болор суулгуулсан. Доргилт өгөх ёсгүй гэсэн заавартай. Гэтэл манай аймгийн Засаг дарга маань ялимгүй шалтгааны улмаас миний эрх чөлөөнд халдаж, эмчлэгдэж байсан нүдэнд согог суулгах хэмжээнд хүрч танхайрсан нь үнэн. Одоо би Улсын Клиникийн 1 дүгээр эмнэлэгт үзүүлээд явж байна. Шинжилгээний хариугаа хүлээж байна.
