Одоо үед алтны хоёр төрлийн ордыг түшиглэн олборлолт хийдэг

Алт нь Au гэж тэмдэглэгддэг, нэгэн төрлийн химийн элмент  юм.  Алт гэдэг үг  нь Аurum буюу Үүрийн туяа гэсэн утгатай латин үгнээс гаралтай. Алт нь байгаль дээр цэврээр (дангаараа) орших ба хувийн жин ихтэй (хүнд), зөөлөн, гялалзсан шар өнгөтэй металл хэлбэртэй байдаг.

Байгальд маш ховор тохиолдолд 6; 8;12; ханатай талст хэлбэрээр оршдог. Ихэнхдээ байгальд нунтаг тоос, үйрмэг, нимгэн хуудас, нарийн үслэг төрхтэйгээр газрын давхаргад судал, бусад металл болон чулуулагтай холимог хадан тогтцын хэлбэртэйгээр1,1•10³ppm нягтралтайгаар оршдог.

 Алт нь уян хатан, давтагдах, сунгагдах, цутгагдах өвөрмөц чанартай бөгөөд дулаан цахилгааны маш сайн дамжуулдаг. Атмосферийн нөлөөнд тэсвэртэй, бараг бүх төрлийн хүчлийн үйлчлэлд тэсвэртэй онцгой шинж чанартай металл юм.

Алт озонтой давсны хүчилд урвалд орон Au₂ нэгдлийг үүсгэх ба цианы уусмалд задарч Au₄ нэгдлийг үүсгэдэг учир алтыг ялган авахад цианы хүчлийг хэрэглэх тохиолдол байдаг юм. Алтыг орчин үед шүдний эмнэлэг электроникийн салбарт их хэмжээгээр ашигладаг болсон.  Мөн нянгийн эсрэг үйлчилгээ үзүүлдэг учир эмнэлэгт өргөн хэрэглэсээр ирсэн.

Одоо үед алтны 2 төрлийн ордыг түшиглэн олборлолт хийдэг.

1. Үндсэн орд
2. Шороон орд

Манай улсад ихэвчлэн шороон ордыг түшиглэн олборлолт хийдэг.

Алтны орд газрууд тив бүрт харилцан адилгүй тархалттай байдаг. Алт ихтэй улсад Өмнөд Африк, Австрали, Орос, АНУ, Узбекстан, Канад, Хятад, Перу зэрэг орно.

Алтны нөөц ихтэй, дэлхийн томоохон орд газрууд, түүнд түшиглэсэн дэлхий 5 уурхайд

1. Йоханнесбургийн уурхай (ӨАБНУ)
2. Алган, Уралын орд, уурхай (ОХУ)
3. Калигоорлын орд, уурхай (Австрали)
4. Гуажу (Хятад)
5. Грасбергийн, Эрцбергийн орд уурхай (Индонез) зэрэг багтдаг. Манай улсын хувьд олбологдсон  хамгийн том алт 1995 онд Заамарын Хайлаастын ордоос олдсон 808 гр, мөн Шарын голын шороон ордоос олдсон 351.3 гр жинтэй алт тус тус ордог.

Алт бол уул уурхайн чиглэлээр үйл ажиллагаа эрхлэгч бизнесменүүдийн хамгийн их сонирхолыг татдаг эд билээ.