Өглөө.мн Шинэ өглөө, Шинэ мэдээлэл
УИХ-ын гишүүд мэдээлэлд ойр давуу байдлаа ашиглан ЖДҮХС-гаас өөрийн хамаарал бүхий этгээддээ болон өөрийнхөө эзэмшдэг аж ахуйн нэгждээ зээл авсан асуудлыг АТГ шалгаж буй.
Хамгийн сүүлд УИХ-ын нэр бүхий таван гишүүний бүрэн эрхийг түдгэлзүүлэх асуудлыг УИХ-д оруулж ирсэн боловч авч үлдсэн. Тодруулбал, УИХ-ын гишүүн Л.Энхболд, Д.Дамба-Очир, Г.Солтан, Б.Ундармаа, Б.Батзориг нарын бүрэн эрхийг түдгэлзүүлэх санал гаргасан. Тэднийг өөрийн хамаарал бүхий этгээддээ ЖДҮХС-гаас зээл авсан асуудалд нөлөөлсөн гэж үзэж, яллагдагчаар татаад байсан юм. Тэгвэл УИХ-ын гишүүн Г.Солтан, Л.Энхболд, Д.Дамба-Очир нарын хэргийг АТГ шалгаж дууссан бөгөөд хэргийг нь шүүхэд шилжүүлэх саналаа прокурорт хүргүүлсэн байна. Харин одоо прокурор уг хэргийг шалгаад, шүүхэд шилжүүлэх эсэхийг шийдэх юм.
