Өглөө.мн Шинэ өглөө, Шинэ мэдээлэл
Ажлын ярилцлагын талаарх гарын авлага маш олон байдаг боловч эдгээр 10 зөвлөмжийг та мэдэж байх хэрэгтэй.
- Судалгаа хий
Компанийн бүтээгдэхүүн үйлчилгээ, үйлчлүүлэгчид ба өрсөлдөгчийн талаар аль болох ихийг мэдэж авснаар ажил олгогчийн эрэлт хэрэгцээг ойлгох, шийдвэрлэх боломжийг санал болгох болно.
Компанийн вэбсайт дээрх зүйлийг уншихаасаа илүүтэйгээр компанийн тухай мэдээг үзэх, нийгмийн мэдээллийн хэрэгслийг шалгах, баг хамт олон, хувьцаа эзэмшигчдийг судлах нь зүйтэй.
“Ярилцлагыг илүү сонирхолтой болгох мэдээллийг хайж олох хэрэгтэй”
Гүйцэтгэх захиралын компанийнхаа шинэчлэлийн тухай ярихыг сонсох надад их таатай байсан гэх мэтээр эх сурвалжтайгаар ярьж болно.
2. Хүчирхэг харагдах
Ярилцлагад юу өмсөх, юу өмсөхгүй байх талаар зөвлөгөө өгөх зүйл хомс байдаг нь гарцаагүй. Та ярилцлагад очихдоо хэт их нялуун үнэртэй ус, тод нүүр будалт, хэтэрхий олон бичиг логотой хувцас өмсөхөөс зайлсхийгээрэй.
3. Хоосон гараа бүү харуул
Ажил олгогчид анхны сэтгэгдэл төрүүлэхийн тулд шаардлагатай бүх зүйлийг бэлдэх хэрэгтэй.
Та анкетаа хэд хэдэн хувь хэвлээд авч яваарай. Таны бодож байснаас илүү олон ажилчидтай уулзаж магадгүй. Нэрийн хуудас өгөх нь өөрийгөө мэргэжлийн хүн гэдгийг тань тодотгох боломжийг олгоно. Мөн өмнө хийж байсан төслүүдийн танилцуулга зэргээ бэлдэн, танилцуулах нь өөрийгөө бүрэн дүүрэн танилцуулахад тань тус болно.
4. Эрт ирэх
Ярилцлага эхлэхээс 10-15 минутын өмнө оч. Энэ нь танд угаалгын өрөөнд цамц, зангиагаа засах, үсээ самнах, нүүрний будгаа сэргээх цаг олгох болно.
5. Урам зоригтой бай
Ажил олгогч нь таныг тухайн ажилд орох сонирхолтой байгаа эсэх талаар мэдэхийг хүсэж байгаа тул өрөөнд орох цагаасаа л эхлэн тэдэнд итгэл найдварыг төрүүлэх хэрэгтэй. Өөртөө итгэлтэйгээр гар барих, ярилцлагын явцад оч ассан харцтай байх, чичирсэн ч гэсэн итгэлтэй ярих шаардлагатай.
6. Анхааралтай сонс
Сонсож сурах нь үнэхээр чухал чадвар юм. Зарим байгууллагуудын дотоод журамд хэн нэгэн ярьж байхад яриаг нь тасалж болохгүй гэсэн заалт байдаг. Ажил олгогч тал танд олгох боломжуудын талаар ярьж байхад дуустал нь сонсоод дараа нь өөрийн саналаа хэлээрэй.
7. Тодорхой жишээ хэл
Ажлын ярилцлагын зорилго нь таны ур чадварыг үнэлэхэд чиглэгддэг. Тоон үзүүлэлт бүхий мэдээлэл солилцох нь таны ур чадварыг тодорхойлно.
8. Асуулт асуу
Ажил олгогч нь асуулт асуух боломжийг олгож байдаг. Хэрэв та энэ хэсгийг алгасаад, одоо байгаа ажилдаа гүйгээд орохыг хүсэх аваас энэ нь аймшигтай алдаа байх болно. Энэ боломжийг бүрэн ашиглах. Зөвлөмжүүд:
- Яагаад энэ байр суурь нээлттэй байгаа вэ?
- Нэмэлт сургалт, боловсрол эзэмших боломж байна уу?
- Энд ажиллахад танд юу хамгийн их таалагддаг вэ?
- Гүйцэтгэл хэрхэн хэмжигддэг вэ?
9. Зөв цэгдээр дуусга
Ярилцлагын чухал хэсгүүдийн нэг нь амжилттай дуусгах юм. Ярилцлага амжилттай болсон гэж бодож байвал та дараа яах талаар ажил олгогчоос асуугаарай.
10. Санаа бүү зов
Танд тухайн ажлын байр маш их таалагдаж байвал ажил олгогчид өөрийгөө сануулаарай. Сайн байна уу? Би одоо болтол энэ албан тушаалыг сонирхож байгаагаа танд дуулгаж байна гэх мэтээр цахим шуудан илгээж болно.
Эх сурвалж: Biznetwork.mn
