Өглөө.мн Шинэ өглөө, Шинэ мэдээлэл
УИХ-ын гишүүн асан Ж.Энхбаяр Үндэсний аюулгүй байдлын зөвлөлийн нарийн бичгийн дарга болох магадлалтай” гэх мэдээлэл улс төрийн хүрээнийхний дунд яригдаж буй. Тэрээр сэтгүүлчдийн асуултад дараах байр суурь илэрхийлэв.
УИХ-ын гишүүн асан Ж.Энхбаяр “Монгол Улсын Ерөнхийлөгч У.Хүрэлсүх намын даргын үүрэг гүйцэтгэгчид Л.Оюун-Эрдэнийг нэр дэвшүүлсэн. Ингээд Удирдах зөвлөл 100 хувийн саналаар дэмжсэн. Энэ саналыг өнөөдөр Бага хурлаар хэлэлцэн шийдвэрлэнэ. Дэлхий нийтийг хамарсан цар тахлын үед төр засаг нэгдмэл бодлого, нэг зорилготой, нэг зүг рүү харах шаардлага байгаа. Тиймээс Ерөнхий сайд, намын дарга нэг гарт төвлөрөх нь зүйтэй гэж УЗ үзсэн.
Монгол Улсын Ерөнхийлөгчийн тангараг өргөсний дараа анхны зарлигаараа Тамгын газрын дарга болон ҮАБЗ-ийн нарийн бичгийн даргыг томилдог. Тэгэхээр энэ бол миний хэрийн асуудал биш. Хэрэв санал тавибал би хүлээж авна” гэлээ.
