Парламентын шинэ сэтгүүлч буюу тоон доторх үсэг

УИХ-ын гишүүн О.Баасан­хүү тоон доторх үсэг  гэдэг  шиг Ерөнхий сай­дын “30 минут” уулзалтад өчигдөр сэтгүүлчидтэй мөр зэрэгцэн суулаа.

Тэрбээр “Ерөнхий сайд­тай тулж уулзах боломж олдохгүй байна” хэмээн тайл­барлаад эмнэлгийн ба­рилгатай холбоотой асуулт асууна гэдгээ ч хэлж байв.

Төрийн ордны А тан­химд болсон уулзалтад оролцогсод эрхэм ги­шүү­нийг хараад ихэд гай­хаж “Парламент  шинэ сэт­гүүлч­­тэй болжээ” хэмээн хо­­­шигноод авна лээ.

Харин О.Баасанхүү ги­шүүний хувьд “Ерөнхий сайдын гар утасны ду­гаарыг олон нийтэд дэл­гэх гэсэн ч Тагнуулын Ерөн­хий газраас болохгүй гэсэн хариуг албан ёсоор өгчихлөө. Уг нь 14138 иргэн мессеж  илгээхэд бэлэн гэд­­гээ илэрхийлчихсэн бай­­­сан юм” гээд нэлээд бу­хим­дангуй байсан.

Тийм­дээ ч  мань хүн Ерөнхий сай­дыг уул­залтынх нь үеэр сэтгүүлч­дэд ганц  сайн  шарж бай­гаад өөртөө хэ­рэг­тэй хариултыг хэлүүлж дөнгөнө гэж бодсон бо­лолтой.

Харамсалтай нь зас­гийн тэргүүн гэнэ алдаж, үг уна­га­сангүй.