Өглөө.мн Шинэ өглөө, Шинэ мэдээлэл
Ажлын байрны сэтгэлзүйн дарамтыг судалдаг судлаачид ааш муутай дарга нар бүдүүлэг, дээрэнгүй, дарамтласан харьцаа, хандлагаараа ажилтнуудынхаа дархлааг сулруулж улмаар амархан өвчлөмтгий болгодогийг тогтоожээ. Огайогийн Их сургуулийн судлаачид муухай ааштай дарамтлагч даргын доор ажиллах нь ялангуяа зүрх-судасны дархлааг гэмтээж сулруулдаг болохыг мэдэгджээ.
Ажлын өглөөнөөс эхлээд байнгийн дарамт, түгшүүр айдасд олон цагаар автагдах нь тухайн хүний дархлааны тогтоонд өөрчлөлт оруулахуйц олон эмгэгийг үүсгэдэг гэнэ. Ийм үзэгдэл зөвхөн нэг хүнд бус харин аймшигт даргын удирдлаганд ажиллаж байгаа бүх хүмүүсд илэрчээ. Хэрвээ тийм даргатай бас уур амьсгалтай газар ажилладаг бол эрүүл мэндээ бодоод бушуухан гарах хэрэгтэй гэнэ.
