Бараа бологч Ц.Цолмон

МАХН-МҮАН-ын “Шу­дарга ёс” эвслээс намын жагсаал­таар УИХ-ын ги­шүүн болсон Ц.Цолмон 2012 оны 10 дугаар сард МҮАН-аас гарч МАХН-д элсэж байсан. Ер нь хаа байсан 1990 онд МАХН-ыг шинэчлэх эрдэмтдийн бүлэгт ажиллаж байсан Ц.Цолмон гишүүн бүр хойно М.Энхсайхантай хамтран МҮАН-ыг байгуулсан ч байнга шахуу л “МАХН, МҮАН хоёр нэгдэх ёстой” гэж ярьдаг хүн.

Харин тэр санал нь бүтэлгүйтэх шинжтэй бо­лонгуут МАХН-ыг ба­раад­сан билээ. Харин Ц.Цолмон гишүүн сүүлийн үед МАХН-ын дэд дарга Д.Тэрбишдагвын бараа бо­логч болж хаа явсан га­зар нь дагалдах болжээ. Хам­гийн сүүлд МАХН-ын төв байранд болсон шинэ гишүүд элсүүлэх кампанит ажлын үеэр МАХН-ын зарим гишүүн хүртэл “Бараа бологч Ц.Цолмон гишүүн ирчихсэнийг бо­доход Д.Тэрбишдагва дарга тун удахгүй ирэх нь то­­дорхой” гэлцэж байсан юм. Гаднах байдлаараа эрдэм номын гүдэсхэн шинжтэй УИХ-ын эрхэм гишүүн Ц.Цолмон намын дэд даргадаа бараа болох нь ямар нэгэн учир байдаг л бололтой.