Ялтан шилжүүлэх гэрээ байгуулна

“Ялтан шилжүүлэх тухай Монгол Улс, Бүгд Найрамдах Казахстан улс хоорондын гэрээ”-ний төслийг дэмжлээ. Ингэснээр УИХ-ын холбогдох байнгын хороотой зөвшилцөж, гарын үсэг зурах бүрэн эрх олгох тухай Ерөнхий сайдын захирамжийг ажлын журмаар гаргахаар тогтсон байна.

Бүгд Найрамдах Казахстан улсад Монгол Улсын 1000 орчим иргэн байнга оршин сууж, жилд дунджаар 6000 гаруй иргэн зорчиж байгаа аж. Одоогийн байдлаар Бүгд Найрамдах Казахстан улсад шүүхээр ял шийтгүүлэн хорих ял эдэлж буй Монгол Улсын гурван иргэн байгаа гэнэ.