Эмэгтэйчүүдийн 24,1% нь огт ажил, хөдөлмөр эрхлээгүй байна

Нийгмийн Ардчилал Монголын эмэгтэйчүүдийн холбооноос санаачилан хийсэн “Монголын эмэгтэйчүүдийн амьдралын чанар” судалгааны дүнгийн II шатны хэлэлцүүлэг өнөөдөр “Улаанбаатар” зочид буудлын “Номын хүрээ” танхимд боллоо. Судалгаанд 21 аймаг, Улаанбаатар хотын 9 дүүргийн 15004 эмэгтэй хамрагдсан байна. Судалгааны багийнхан үндсэн 8 бүлэг сэдвийн хүрээнд үндсэн 25, туслах 5, нийт 30 асуулгатай судалгаа хийжээ.

Судалгааны үр дүнгээс товч танилцуулахад:

Судалгаанд оролцогч эмэгтэйчүүдийн 24,1% ямар ч ажилгүй, хамт олонгүй гэртээ байна

84,3% -ийн гэр бүлийн 1 сарын орлого 700,000 төг,

10 эмэгтэй тутмын 4 нь ирээдүйд тэтгэвэр тогтоолгох баталгаагүй,

24% нь ажлын байрны ялгаварлалд өртдөг,

88,1% нь 6 хүртэлх тооны гэр бүлийн гишүүдтэй,

34,5% нь ямар нэг үзлэгт хамрагдаагүй гэх зэрэг дүгнэлтүүд гарсан байна. Хэлэлцүүлэгт эмэгтэйчүүдийн эрхийг хамгаалах чиглэлээр үйл ажиллагаа явуулдаг төрийн бус байгууллагуудын төлөөлөл болох “НАМЭХ”, “МУИС-ийн Улс төр судлалын тэнхим”, “Германы Фридрих Эбертийн сан”, “Стратеги академи” болон “Монголын эмэгтэйчүүдийн холбоо”, “Хүчирхийллийн эсрэг үндэсний төв”-үүдийн төлөөлөл оролцов.

Л.Цэрэндолгор

Эх сурвалж: www.undesten.mn