Залуу Жанжинд хүндэтгэл үзүүлэв

Монгол Цэргийн өдөр, Зэвсэгт хүчний 94 жилийн ойн ажлын хүрээнд жанжин Ж.Лхагвасүрэнд хүндэтгэл үзүүлж Сүхбаатар дүүргийн нутаг дэвсгэрт байрлах түүний хөшөөнд цэцэг өргөх ёслол боллоо.

Цэцэг өргөх хүндэтгэлийн үйл ажиллагаанд БХЯ, ЗХЖШ-ын удирдлага, Улаанбаатар цэргийн хүрээний ангиудын захирагч нар, нийслэлийн төлөөлөл, Сүхбаатар дүүргийн Засаг дарга Д.Бадарсан, Засаг даргын орлогч Л.Амарзаяа, Х.Болормаа болон хэлтэс албадын дарга нар, Цэргийн штабын офицерууд зэрэг албаны хүмүүсээс гадна жанжины үр хүүхэд, ач зээ, төрөл төрөгсөд нь хүрэлцэн ирж оролцлоо

Ард түмэндээ Залуу жанжин хэмээн алдаршсан Ж.Лхагвасүрэн нь зууны манлай цэргийн зүтгэлтэн бөгөөд төр нийгмийн олон салбарт ажиллаж байжээ.