Ховд аймагт “Монгол цэргийн өдөр”-ийн баярын нээлт болов

2015 оны 03 дугаар сарын 18-ны өдөр Зэвсэгт хүчний 94 жилийн ой, “Монгол цэргийн өдөр”-ийн баярын нээлтийн үйл ажиллагаа Ард Аюушийн талбай дээр болж өнгөрлөө. Нээлтийн үйл ажиллагааны үеэр Ховд аймгийн Засаг дарга Д.Цэвээнравдан, Зэвсэгт хүчний 123 дугаар ангийн дарга, хурандаа Б.Галбадрахад илтгэл өгч, мэндчиллээ.
Дэд хурандаа О.Хүрэлбаатар Зэвсэгт хүчний 94 жилийн ой, “Монгол цэргийн өдөр”-т зориулсан “Цэргийн ёслол хүндэтгэлийн арга хэмжээ”-ний нээлтийг нээж, зочид, төлөөлөгчдийг танилцуулав.
Дараагаар нь Монгол улсын Их хурлын гишүүн Д.Батцогт, аймгийн Засаг дарга Д.Цэвээнравдан нар нийт цэргийн алба хаагчдад мэндчилгээ дэвшүүлэв.
Энэ үеэр шагналын хур бууж
-Монгол улсын Ерөнхийлөгчийн зарлигаар “Цэргийн хүндэт медаль”-иар ахлах ахлагч Н.Ням-Амбаа
-Монгол улсын Батлан хамгаалахын сайдын 2015 оны 03 дугаар сарын 12-ны өдрийн Б/14 дугаар тушаалыг танилцуулж “Дайчин алдар 2 медаль”-иар ахлах ахлагч Ч.Ганхуяг, Б.Бат-Эрдэнэ, Т.Батгэрэл, Б.Бямба-Очир, Ж.Түмэн-Орших, ахлагч Л.Байгалмаа, Л.Өлзийжаргал
-“Дайчин алдар 3 медаль”-иар хошууч Д.Мөнхчиг, ахлах ахлагч Ц.Зоригтсүрэн, ахлагч Б.Бадамцэцэг, Е.Цовоо
-“Эх орны төлөө 3 хүндэт тэмдэг”-ээр ахлах ахлагч Б.Алтантуяа, ахлагч Д.Өнөрболд нарыг шагналаа.