Өглөө.мн Шинэ өглөө, Шинэ мэдээлэл
Ардчилсан нам байгуулагдсаны 25 жилийн ойн баярын хурал Соёлын төв өргөөнд 11:00 цагт эхэлсэн билээ.
Тэгвэл баярын хурлын нээлтийн үеэр Сонгинохайрхан дүүргийн Ардчилсан намын хорооны гишүүн М.Мөнхжаргал тэргүүтэй залуус хурлын танхимд “Залуучуудынхаа үгийг сонсохыг шаардаж байна”, “Цонх хаалгаа нээ”, “Залуустаа зайгаа тавьж өг”, “Үүрэг гүйцэтгэх дарга нараа хэзээ жинхлэх вэ, Ардчилсан Намд шинэ эргэлт хийх цаг нь болжээ, Үеэ өнгөрөөсөн Ардчилагчид шинэ үедээ зайгаа тавьж өг” зэрэг лоозон бүхий бичгүүдийг барин эсэргүүцлээ илэрхийлсэн.
Намынхаа залуусын энэхүү үйлдлийг Ардчилсан намын гишүүд дэмжигчид эсэргүүцэн тэдний барьж байсан лоозонг урж, хурлын танхимаас хөөж гаргаад баярын хурлаа үргэлжлүүлж байна.
Ийм ардчилал гэж юу байдаг юм? Ардчилал ярьдаг мөртлөө, үзэл бодлоо тайван замаар чөлөөтэй илэрхийлж байхад хурлыг бужигнуулж тэдний лоозонг булаан урж тасдаж хурлаас хөөх хэрэг байсан гэж үү. Энэ тэгээд Ардчилал уу?
