Өглөө.мн Шинэ өглөө, Шинэ мэдээлэл
Солонгос улсын Кёнгнам аймгийн Кимхэ хотын цагдаагийн газар тус дүүрэгт амьдардаг Монгол улсын гурван иргэнийг хулгайн хэрэгт сэжиглэн гэрээс нь баривчиллаа.
Тус монгол иргэд Солонгос улсад хууль бусаар амьдарч байхдаа Кимхэ хотын орон сууцнуудаар тэнүүчлэн Солонгос иргэдийн орцон дотор орхисон дугуйн цоожийг таслан хулгайлдаг байсан ба одоогоор зургаан удаагийн үйлдлээр 3 сая 400 мянган воноор үнэлэгдэх долоон ширхэг дугуйг хулгайлсан нь нотлогдсон байна.
Монгол залуус Кимхэ хотод нэг өрөө байр хөлслөн хамтдаа амьдарч байхдаа гахай, шувууны аж ахуй болон газар тариалангийн компаниудад цагийн ажил хийдэг байсан аж. Тэд үүнээс өөр хулгайн гэмт хэрэг үйлдэж байсан магадлалтай тул хэргийг үргэлжлүүлэн шалгаж байна гэж Кимхэ хотын цагдаагийн газраас мэдээлжээ.
