Өглөө.мн Шинэ өглөө, Шинэ мэдээлэл
Монгол Улсын Ерөнхийлөгчийн Тамгын газрын дарга П.Цагаан өнөөдөр Бүгд Найрамдах Энэтхэг Улсаас Монгол Улсад суугаа Онц бөгөөд Бүрэн эрхт Элчин сайд Сомнат Гошийг хүлээн авч уулзав.
Уулзалтын үеэр энэ тавдугаар сарын 16-18-ны өдрүүдэд Монгол Улсад төрийн айлчлал хийх Энэтхэгийн Ерөнхий сайд Н.Модигийн айлчлалын бэлтгэл ажлын талаар санал солилцон ярилцав.
Монгол Улсад ноён Н.Модигийн хийх энэхүү айлчлал нь Энэтхэг Улсын Засгийн газрын тэргүүний хувьд Монголд хийж буй анхны айлчлал бөгөөд энэ 2015 онд тохиож байгаа Монгол Улс, Энэтхэгийн хооронд дипломат харилцаа тогтоосны 60 жилийн ойн хүрээнд хэрэгжиж байгаагаараа онцлог юм.
