Өглөө.мн Шинэ өглөө, Шинэ мэдээлэл
~Үсээ заавал хатааж бай!
Үсийг ойрхон угаах нь үс хурдан ургахад тус болно. Мөн өглөөнөөс илүү орой угаасан үс хурдан ургадаг гэнэ шүү. Шампунь хэрэглэхдээ үснийхээ хуухийг хурууныхаа өндөгөөр массаж хийж өгөөрэй. Үсээ угаасныхаа дараа заавал хатааж байгаад унтаж заншаарай. Нойтон үстэй унтвал үс чинь гэмтэх аюултай. Орой 10-шөнө 02 цагийн хооронд үс хамгийн сайн ургадаг гэнэ. Мөн үсний сэнсээр бус өрөөний сэнсний салхинд үсээ хатааж байгаарай! Үсний сэнсний халуун үсийг гэмтээдэг юм байна.
~Сард үсээ 5мм тайрч бай!
Үсээ ургуулах тухай ярьж байхад тайрах гэхээр тиймэрхүү байна уу?
Үнэндээ бол үс ч, хумс ч тайрах тусам ургах хурд нь нэмэгддэг гэнэ шүү.
~7 хоногт 2-3 удаа үсээ өндөгөөр угааж бай!
Үс ургуулахад хуухиндаа сайн анхаарах хэрэгтэй.
Өндөгөөр угаавал үсэнд тэжээл өгч ургахад тус болно.
~Үсээ сайн самнаж бай!
Үсээ сайн самнавал хуухин дахь цусны эргэлт сайжирч үс ургахад нөлөөлнө. Гэхдээ үсээ нойтноор нь самнаж болохгүй. Тэгвэл үсний уг гэмтдэг учраас заавал бүрэн хатсаны дараа самнаж байгаарай. Үсээ угаахаасаа өмнө самнавал бүүр сайн. Мөн нарийн шүдтэй хавтгай самнаас бөөрөнхий самыг илүү хэрэглэж байгаарай!
~Тэжээллэг, витамин, кальц, төмрийн хольцтой хоол хүнс, сүү ногоо ургамал их хэрэглэ!
Үс бол тэжээлээс бий болдог юм шүү. Төмөр нь үс ургахад маш их нөлөөтэй учраас төмөр орсон хүнсний бүтээгдэхүүн өргөнөөр хэрэглээрэй.
~Үснийхээ хуухинд массаж заавал хийх хэрэгтэй.
Үсний хуухинд массаж хийж өгөх нь цусны эргэлтийг сайжруулж үсний хөгжилд асар чухал нөлөө үзүүлнэ. Алгаа дэлгээд хурууныхаа өндгөөр үснийхээ хуухийг чанга чанга дарж барих маягаар массаж хийгээрэй.
~Үсэндээ чухалчлан анхаарал тавиарай!
Үсний уг гэмтсэн бол хурдан ургаж чадахгүй. Гэмтэлтэй үс эрүүл үснээс удаан ургадаг. Тиймээс хими, будаг, ороодог хайчнаас түр татгалцаад нэн түрүүн үсний тэжээл сайн хэрэглээрэй. Үсний уг хэсгийг эрүүл байлгах нь хамгийн чухал шүү. Мөн урт үстэй хүн бол үсээ боож унтах нь илүү сайн.
эх сурвалж: facebook.com
