Өглөө.мн Шинэ өглөө, Шинэ мэдээлэл
Баянгол дүүргийн жижиг дунд үйлдвэрлэлийг дэмжих төвөөс дүүргийн хөгжлийн бэрхшээлтэй иргэдийн төлөөлөлтэй уулзаж 2014 онд хийж хэрэгжүүлсэн ажлаа тайлагнан, цаашид хийхээр төлөвлөж буй ажлынхаа талаар танилцуулж эдгээр иргэдийн санал бодол, хөдөлмөр эрхлэхэд тулгамдаж буй бэрхшээлийг сонссон юм. Бид дүүргийн үйлдвэрлэл эрхэлдэг иргэдийнхээ бараа бүтээгдэхүүнийг олон нийтэд сурталчилан таниулах, борлуулалтын сувгийг нэмэгдүүлэх чиглэлээр олон талт бодлогыг хэрэгжүүлэн ажилласны нэг нь хөгжлийн бэрхшээлтэй иргэдийг түрээсийн хөнгөлөлттэй худалдааны талбайгаар хангах явдал байсан юм. Ийнхүү бид 2014 оны 11 сараас эхлэн 3-р хорооллын эцэст байрлах “lion tower” төвийн b1 давхарт талбай авч хөгжлийн бэрхшээлтэй 15 иргэнийг түрээсийн хөнгөлөлтэй худалдааны талбайгаар ханган ажилласан юм. Эдгээр иргэдийн төлөөлөл тус уулзалтанд ирсэн юм. Тэрээр энэхүү үйл ажиллагаанд талархалтай байгаагаа илэрхийлж байлаа.
