Наадмаар тав хоног амарна

Тун удахгүй буюу 18 хоногийн дараа Тулгар төрийн 2224, Их Монгол Улсын 809, Ардын хувьсгалын 94 жилийн ой, Үндэсний их баяр наадам болно.

Нийтээр тэмдэглэх болон тэмдэглэлт өдрүүдийн тухай хуулиар Үндэсний их баяр наадам, Ардын хувьсгалын ойн баярыг жил бүрийн долоодугаар сарын 11, 12, 13-ны өдөр нийтээр амарч, баяр болгон тэмдэглэхээр хуульчилсан байсан. Тэгвэл энэ жилийн улсын наадам бямба, ням, даваа гаригт буюу амралтын 2 өдөрт тохиож буй.
Тиймээс өнгөрсөн жил Засгийн газраас Үндэсний их баяр наадмаар бүх нийтээр амарч, тэмдэглэн өнгөрүүлэх гурван өдрийг тав болгож, улс орны хэмжээнд нийтээр амрахаар хууль батлагдаж байсан. Тиймээс энэ жилийн наадмаар долоодугаар сарын 11-ний бямба гарагаас 15-ны лхагва гараг хүртэл нийтдээ тав хоног амрах аж.

Г.Туяа

эх сурвалж: undesten.mn