Өглөө.мн Шинэ өглөө, Шинэ мэдээлэл
Шотландын мэргэжилтнүүд онгойлгоход дуугардаг технологийг ашиглаж, тамхины “ярьдаг” хайрцаг бүтээжээ. Энэ хайрцаг нь нээх бүрт янз бүрийн дуу, авиа гаргадаг юм байна.
Тухайлбал эхний удаад тамхинаас татгалзах тухай зөвлөгөө авах боломжтой хүний утасны дугаарыг хэлж өгнө. Харин дараа нь “Тамхи үргүйдэлд хүргэнэ” гэж “сурталчилдаг” аж.
“Ярьдаг” хайрцгийг 16-24 насны эмэгтэйчүүдэд туршиж үзжээ. Тэдний хэлснээр үргүйдэлд хүргэдэг гэсэн үгийг сонсоход үнэхээр таагүй байсан тул тамхиа хаях талаар бодож эхэлсэн гэнэ.
Үүнээс гадна оролцогчид тамхины хайрцгийг нээх үед гардаг дуу авиа нь тааламжгүй сэтгэгдэл төрүүлдэг учраас дахиад онгойлгохоос ч халширч байснаа хүлээжээ.
Энэ бүтээлийг зах зээлд нийлүүлэхийн тулд тамхины хуульд өөрчлөлт оруулах шаардлагатай байгаа аж.
